قمة منتديات عرب الهنادى

زينوهـا وادفنوهـا والكفن ثوب الزفـاف

استعرض الموضوع السابق استعرض الموضوع التالي اذهب الى الأسفل

زينوهـا وادفنوهـا والكفن ثوب الزفـاف

مُساهمة من طرف saad dawam في الثلاثاء 20 مايو 2008, 9:09 am



قـصـه حـزينه جسدت على أبيـات رائـعه جعـلت لـ دمـووعـي
مجـرى على خـدي هـي قصيده لا أعـلم من هـو قائلـها
ولـكن اعـلم بأنهـا يمتلك ذوقـآ رائــع وأحسـاسآ اترككم
مـعـهـا ....


زينوها وادفنوها والكفن ثوب الزفاف
غصب عنها زوجوها وسلموها للغريب
مجبره ما شاوروها قصدهم شرع العفاف
ما دروا إن البنيه مغرمه ولها حبيب
جهزوها وهي تبكي وترتشف دمع إرتشاف
وخبروها إن موعد الفرح منها قريب
مالقت أحد فهمها وهمها ناظر وشاف
إن حكت باللي سكنها مالقت لها مجيب
وكانها هي وافقتهم جرعوها الزعاف
حالها من فعل أهلها صار محزن ومريب
والحفل قرب وقامت ترتجف خوف إرتجاف
كل يوم تقول باكر الفرج بإذن الرقيب
باكر يمكن يفهمون قصتي بآخر مطاف
جاء باكر ثم عدا وجاء بعد باكر عطيب
وعلقوا عقد الأناره وأحتشد فرد والآلاف
أيقنت إن الجرح جرحها ماله طبيب
وأنها لازم تطيع أمرهم وترضى بالعفاف
جوا لها والدمع يحرق جفنها الحلو الرطيب
قالو يا الله إلبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والآسى لها لحاف
يا حسافه دخلوها والحشى يغلى لهيب
وأحكموا قيد البنيه واسجنوها بألتفاف
ودعتهم وهي تقول حسبي الله الحسيب
رحلتي ماهي بطويله و رجعتي بعد القطاف
سافرت عن دار أهلها وقلبها خطر و صويب
سافرت مع منهو خطفها من أمانيها الضعاف
خايفه مستوحشه والعرق منها صبيب
وقلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك الضعاف
هو سألها جاوبيني ليه دمعاتك سريب
ليه لي ماتنظرين وأنا زوجك شخص واف
قالت بنبره خجوله أنافي وضع رهيب
غصب عني زوجوني و طعنوني بالرهان
هو سكت لحظه تأمل وش أسوي يامجيب
عقله وقلبه نطقها صاحب النخوه يعاف
قال: منهو غير حبي يسكن بقلبك نجيب
من تولى عرش قلبك إهتني به يا عفاف
وباكر الرجعه تراها وإمسحي الدمع العجيب
خايف إني أمسكك وأقترف الذنب إقتراف
إضحكت ضحكه وقالت ما بعد هالطيب طيب
الله يجازيك عني بالأجر ويسر الطواف
إرجعت وقالت: رجعت يا أهل الشرع الغريب
بنتكم جتكم ولكن من بعد ذل وحساف
وابعثت مرسول عاجل أناجيتك يالحبيب
النذر اللي نذرته صار وافي يامناف
إجلست يوم وتأخر لارساله ولا مجيب
وعقلها يمه تشتت وبدت بالغيبه تخاف
مرها طفل(ن) صغير و سألت عن الصحيب
قال مــااات ليلة زفافك وإندفن بعد الزفاف
ناحت بحسره وطالت الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت ما قبل المشيب
وذاب قلب قد تعلق والبصر جاه الكفاف!!
avatar
saad dawam
Admin
Admin

ذكر عدد الرسائل : 17
العمر : 30
العمل/الترفيه : طالب بكليه اللغات والترجمه
المزاج : تمام
تاريخ التسجيل : 17/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى